Marzu küyenh, 2015 tripantu mew ka eneru küyenh 2017 tripantu mew, ngümitupefin ti fillke rakizuam ka küpa nentungelchi zungu fey nielu pu chilenu fey wirintukungeafel ti Fütra Chillka mew, ti elngechi trokiñ zungu #tuconstitucion.cl ka #nuestraconstitucion.cl, fey ti nentungechi elzungu ngütramkawün mew.
Allmatufiel mew ti wülkechi zungu ti tecnología fey pepi koneltuken pu che, fey feypinungefuy kiñe we rakizuam ngekenufel, fey kintulu kuykuy reke ngeael pu che mew ka ngütramkawam fey chem rume che ñi koneltuael ka chem zungu ñi küpa witrampüramtual ti fütra Elzungu mew.
Tüfachi ta nentungey ta kelluntukuael kake rume rakizuam nielchi che konalu tüfachi trokiñ mew ka wirikunuam hem pilen ñi rakizuam, fey kiñe kelluntukun küzaw fey rakizuamael ka azkunuael chem az zungu zuamnefuyngün pu che.
Fachi antü, zew rupalu ta meli tripantu, allwe manelewkülenulu ta ti intitusione mew, fey ta kiñe zoy fütra wesha zungu ti che ñi zulliñ. Müley kiñe zuamngelchi zungu, fey ta fentekungeafel ti trürnun zungu, yoamzuamün ka ti rume trürnun pu che engu intitusione , fey weshalkununefiel fillke zungu pu che mew, ti ngülüm fillem ka ti poliyika tüfachi mapu mew.
Fey mew iñchiñ ta kelluntukuaiñ fey kimngeael chem zungu mew ñi maneluwkenun ta che ti intitusione mew, fey tüfachi troki internet mew kelluntukuay che mew zoy küme konal ta che ti virtual kimeltuwün zungu mew, mülen zungu, epuñpüle zungulün ka fillke ngütramkawün ka malüzüngu fey chem zungu ñi müleafel ti we elzungu mew fey wall zungu mew ñi chem az-zungu wirintukungeael ti Covension konstitusional mew.
Allmatuafiyiñ ti nentulngechi zungu #tuconstitucion ka #nuestraconstitucion mew, welukentungeam ti femngechi zungu, ka wengekunungetuam ti az zungu “Eymi” ka ti “Iñchiñ” entulngelu ta tüfa mew, fey falintungetuael ti koiñeke che koneltulu fey kiñe digital ekaño mew, wünelu ka inangechi küpa nentuelchi ngütram trokiñche mew, fey fill maneluwün ngütramkawün digital ka trawün mew,. Ka femngechi elkuaiñ kiñe kimeltuwün trokiñ, fey ti zoy fütra zungu fey eluñmakeiñmew ti sibica ka konstitusional ngütramkawün, nentunniengelu fewla tüfachi mapu mew.
